Ønsket og Elsket Øvre Telemark er eit ungdomsarbeid i Den norske kyrkja i Øvre Telemark prosti.
Kva gjer vi?
Vi arrangerer felles konfirmant-tiltak for alle konfirmantane i prostiet, og vi driv eit leiarprogram for ungdomsleiarar for dei som ynskjer å vere med vidare etter konfirmasjonsalder og oppover.
I slutten av oktober arrangerar vi Konf. Kick-off for alle 9. klassingar i prostiet, på Dyrskuplassen i Seljord. På våren har vi konfirmanttreff i Seljord, med konkurransar, aktivitetar og informasjon om Kirkens Nødhjelp og Fasteaksjonen. I sommarferien kjem det som for mange er høgdepunktet i konfirmasjonstida, nemleg konfirmantleirar på Gjennestad vgs. i Stokke. Her samlast konfirmantane til ei veke på leir. For konfirmantar som av ulike grunnar ikkje får vore med på sommarleirane har vi eit felles pilegrimskonfirmantopplegg.
For frivillige ungdomsleiarar har vi eit systematisk leiaroppfølgingsprogram i inntil fire år etter konfirmasjonstida. Ungdomsleiarane er med som leiarar på alle arrangementa for konfirmantane, i tillegg har vi eigne samlingar, turar og leirar for leiarane gjennom året. Alle som vi vera leiarar på konfirmasjonsleirane om sommarane må følgje vårt leiarprogram.
Kvifor?
Vi ønsker å gje ungdom gode opplevingar saman med andre, og å formidle at ALLE er ønska og elska, av Gud og i fellesskapet vårt. Det gjer vi ved å skape arenaer der ungdom kan vere saman, ha det gøy med stort rom for å dele tankar om Gud og tru. Vi ynskjer å byggje store og robuste fellesskap, med Jesus som eit tydeleg sentrum. Hos oss får ungdommane både oppleve det å vere ein del av noko større, samtidig som det er eit trygt og inkluderande miljø, der alle blir sett og er velkomne.
Kven?
Ønsket og Elsket Øvre Telemark er eit konfirmant og ungdomsleiararbeid for alle kyrkjelydane i Øvre Telemark prosti. Prostirådet i Øvre Telemark er øvste organ.
Vi har i dag tilsett ein dagleg leiar i 50% stilling, to ungdomsarbeidere i totalt 50% stilling, og ein prest i 25% stilling. Vi er ein del av det nasjonale nettverket i organisasjonen Ønsket & Elsket.
For informasjon eller spørsmål om Ønsket og Elsket Øvre Telemark, kan du ta kontakt med dagleg leiar Berthe T. Hegglid, tlf: 99542766, e-post: berthe@seljordkyrkje.no .
Lik oss på Facebook!